نصائح ابويه

# انت فاكرنا لاقيين الفلوس دى فى الشارع0
# متتكلمش بصوت عالى فى الحمام0
# والله ما انت فالح000وادى دقنى اهى0
# ما تنمش غير لما تغسل سنانك0
# متلزقش فى التليفزيون كده000نظرك حيضيع0
# سلم على عمك كويس يا ولد0
# يا ابنى محدش حينفعك0
# ما تطلعش ايدك من الشباك0
# قصة الغريق الكاذب اللى كل مرة يقول الحقونى00000لحد ما غرق بجد0
# ربنا يرزقك بعيل يوريك اللى ورتهونى0
# ما تطلعش على الملاية النضيفة ورجليك متوسخة كده0
# نسيت تشرب؟نسيت تاكل؟نسيت تاخد المصروف؟نسيت تعكنن عليا وعلى امك؟0
# طلع ايدك من جيبك وانتى بتكلمنى0
# ايه اللامبالاة والاستهتار اللى انت عايش فيهم دول0
# قوم اقرالك كلمتين ينفعوك0
# وطى الدعوق ده شوية0
# انت فاكرنا نايمين على ودانا؟؟؟؟؟؟
# يا ابنى انت مسطول ولا ايه؟
# ما تلبسش القميص على اللحم زى العيال الصايعة0
# بلاش اكل بره-كلمنا لما توصل-عيب لازم تحترم اللى اكبر منك0
# لو شوفت خناقة مالكش دعوة بيها-لازم تاكل سلطة0
# اوعى تكدب عليا كده تانى مرة0
# اوعى حد غريب يديلك حاجة تاكلهااو تشربها وتاخدها منه0
# يا ابنى كلم خالتك العيانة اسال عليها0
# بالش لعب فى الشارع0
# ماتعليش صوتك0
# وانت فاكر احنا مستنيين منك حاجة0
# المسلسل مش حينفعك قوم0
# متقعدش قدام المروحة وانت مستحمى0
# كفاية رغى فى التليفونات
# بلاش وقفة الشبابيك والبلكونات0
# اوعى تقول لحد هاتلى حاجة0
# كل على مهلك000وامضغ كويس000وماتكلش وانت واقف000وكل من قدامك ومتحفش0
# اطفى التليفزيون وقوم ذاكر00او اطفى التليفزيون وخش اوضتك0
# ربنا يهديك ربنا يهديك!!!00واحيانا00انك لا تهدى من احببت0
# صليت العصر؟؟؟؟؟
# ما تمشيش حافى فى السقعة دى0
# مفيش مذاكرة على المزيكا000او000بتذاكر ازاى والبتاع ده شغال جنبك0
# افرد ضهرك000
# متتاخرش بعد المدرسة وتقعد تضيع وقت مع اصحابك 0
# بص كويس وانت بتعدى الشارع0
# ومالها الكتب بتاعة الوزارة؟؟؟؟
# اللى بيشيل قربة مخرومة بتخر عليه لوحده0
# لو مش فاهم حاجة ارفع ايدك وقول للاستاذ مش فاهم0000متتكسفش0
# تقعد فى اول صف قدام السبورة0
# ما تردش عليا0
# مش عايز اسمع صوتك0
# مالكش دعوة بالسياسة0000ومتمشيش فى مظاهرات0
# وطبعا التهديدات المخيفة شكلا والكارتونية مضمونا 00مثل00هااقطم رقبتكاو هااقطع ايديكهااقطعلك لسانك او حدبحك دبح0 واخيرا
# وضرب امثلة تشجع على الكفاح واشهرها000احد الاقارب اللى كان بيذاكر على لمبة الجاز او على عامود النور اللى فى الشارع ونجح وخد الدكتوراه وسافر امريكا