تعالوا بعرض عليكم حركات احلى حب في المنتديات
1- إذا كانت تبغى تبين إنها دلوعة ورقيقه تشوفها تحط وروود ودببه
أشكال والوان وأحجام أو إنها تحط صور صغار :S:
أو صور كرتونية ( سالي وليدي) و دووووم تكتب بألوان هاديه (وردي و أحمر) مسويه عمرها
بنـــــــــــــــــوته
طبعا هذا كله خرطي وباللغة العاميه شخابيط
2- إذا الشباب حطوا موضوع يخوف وإلا مقزز
شوفوا الرد :
يخوف
واااااااااااااااااااااي اهئ اهئ حراااااااااام عليكم خوفتوني
لا لا لا ما أتحمل بصيح بصيح ماماتي لا لا ما بنام روحي اليوم بروح بنام عند مـــــامي لا لا
مستحيـــــــــــــل أبي أمي أبي أبوي أبي زوجي
( تكفين عاد خايفه و ما تتحمل ) خخخخخخخخخخخ
مقزز
وعععععع وش هذا لوعت كبدي
( وفخاطرها تقول يم يم لذيذ )
3- اذا كانت مريضة تعالوا شوفوا الدلع فالردود:
واااااااااااااااي انا مزكمة و خشمي منسد وااااااااااااااااااي
ما اقدر اتنفس الحقووا علي بموت يا ويـــــــــــــلي
اهئ اهئ ماأبغى اروح المستشفى أخاف من الإبرة
امــــــــــــــــي لا لا لا
اهئ اهئ ( توقف الصياح و تكح) كـــــــــــــح كــــــــح كح
وما تخلي حد إلا وعلمته إنها مريضه
( وآخر شي يظهر ما فيها شي والدكتور يعطيها حبة بندول ويقول لها انقلعي من وجهي أو إن قصدها من هالحركات يلبوا لها طلباتها )
4- عاد كله كوووووووووووووم و الدراسة كوم ... إذا كانت تدرس في جامعة و لا كلية ,,, تبغى تقول لكل أعضاء المنتدى إنها جامعية (مو مصدقة) ... و تقعد عاد تتكلم عن القسم الفلاني
( و تلقاها من هاك الصوب عليها امتحان علوم هذا اذا ماكان تربية أسرية بعد / ثاني ثانوي خخخخ لا و مسائي بعد!!!)
5- دووووم تمثل دور البنت المدللـه اللي ما ينرفض لها طلب
اذا تكلمـــوا عن الطبخ ,,, قالت : ( وع انا مادخل المطبخ ... أخ كابوس .. اصلا احنا عندنا 3 طباخين )
(( كله كذب ,,, تلاقي أهلها كارفينها كرف من غسل المواعين و القدور .. حتى السيارات يمكن هي تغسلها وإذا خلصت الشغله يخلونها تغسل الزوالي
6- و إذا طرحوا موضوووع عن دووول سياحيه (مشهوره) قالت : عاااااااااااااااااادي انا كل صيف اروح لها و اصلا احنا عندنا محلات و عقارات هناك
(( والله و لا شبرت هالاماكن .. اصلا موقع الدوله عالخريطة ماتدله...
7-إذا تكلمــوا عن الماركات و المحلات الراقية والغالية و الأزياء و المصممين
شوفوا الرد عاد
( اصلا انا ساعاتي كلها من هالماركة و مكياجي ما اشتريه الا من هالمحل و المصمم هذا اصمم عنده (بيجاماتي) و جلابيات البيت وفساتين الاعراس.... الخ )
((احلى حب بدون زعل ))
هههههههههههههههههههه
موضوع: حرررررررررررررررررررركات 
